प्रकाशित मिति: 22 October, 2023 9:11 am

–मिरोज ‘किम्मदन्ती’ गजुरेल

सुन काण्ड’ सेलाउन नपाउँदै ‘भन् काण्ड’ आएको छ । के हो त भनकाण्ड ? जसले सुनकाण्ड बारे सिआईबीलाई सुराकी दियो अर्थात् भन्यो, त्यही हो भन् काण्ड ।

भन् काण्डले सिआईबी आफैं सुनकाण्डमा पर्यो, सुराकीको कुरा सुन्नाले । सुन्नुपनि एकखालको सुनकाण्ड नै हो । तर सुन काण्डभन्दा भन् काण्ड ठूलो हो ।

भन काण्डमा फसेकाहरु यसरी फँस्छन्- “तैँले भनेको हो ? ‘कसले भन्यो त ?” “छिटो भन्, छिटो भन्” आदि ईत्यादी । भन् काण्डमा प्रहरीकै नियन्त्रणमा रहेर पनि प्रहरीलाई नै “भन्, भन्” भनेर धम्क्याउने समेत गर्दछन् ।

एक पत्रकारका अनुसार, दोषिहरुले “भन्, भन्” भनेर दोहोर्याइरहेको सुनेर उक्त विवादलाई भनकाण्ड नामाकरण गरेका हुन् । सुनकाण्ड त अक्षम्य तर भन काण्डपनी सानो अपराध हैन ।

तर, प्रहरी भनकाण्डलाई बालै नदिने पक्षमा देखिन्छ । सिआइबीका एक प्रतिनिधिलेफेसबुक पोस्टमा यसको सङ्केत दिएकाछन्- “अहिले हामीले भन् काण्डलाई महत्वपूर्ण मान्यौँ भने भोली अर्को ‘भनसुनकाण्ड’लाई पनि इम्पोर्टेन्स दिनुपर्ने हुनसक्छ ।

सिआइबीले सुराकीको कुरा सुनेर आफै पनि सुनकाण्डमा मुछिएको छ। यि दुई छुट्टै सम्बन्धित काण्डहरु भएपनि सिआइबीको नाम बदनाम गर्ने कुनै पनि काण्डलाई यो संस्थाले बढावा दिनेछैन।”