प्रकाशित मिति: 31 December, 2019 8:21 pm

फुटबलको ठुलो पारखी रमेशलाई रातीको आठ बजे उसकी प्रेमिका रमाले टेक्स्ट गरिन् – ‘तिमी फुटबललाई बढी मनपराउँछौ कि मलाई?’
११ बजे रमाले रिप्लाई पाइन् – ‘अफ कोर्स तिमीलाई नि ।’

—————————

विच बाटोमा रिसले चुर हुँदै एक महिलाले आफ्नो छोरोसँग हिड्दै गरेकी अर्की महिलालाई भनिन् – ‘कस्तो नराम्रो बानी भएको छोरो रैछ तपाईंको । उसले मलाई के भन्यो थाहा छ ? कस्तो घिन्लाग्दी आन्टी रे !’

अर्की महिला – ‘अहो, मलाई माफ गर्दिनुस् है, उसलाई पनि । मैले हजारौँ पटक भनेको छु उसलाई, अचेल महिलाहरुलाई आन्टी भनेको मन पर्दैन, दिदी भन्नुपर्छ भनेर ।’

————————–

(५०को नोट दिँदै) ग्राहक – ‘एउटा स्टेफ्री प्याड दिनोस् न ।’
औषधी पसले – ‘लिनुस् । कसको लागि हो र ?’
ग्राहक – ‘मेरै लागि हो हुन त ।’
औषधी पसले – ‘हँ ! के भन्नुहुन्छ ?’
ग्राहक – ‘मेरो किचनभरी पानी पोखियो क्या !’