प्रकाशित मिति: 31 October, 2019 12:05 pm

दु:ख गरेर सम्पत्ति त कमाइयो, तर यसलाई कसरी जोगाउने भन्ने चिन्ता लाग्छ ।
यो तिम्रो चिन्ता होइन, लोभ र मोह हो । तिम्रो बाँकी जीवन समेत दुखी हुने संकेत हो  !

बेलामा मेहनत गरेको थिए , तव न आलिशान महलमा बसेर मर्सिडिज चढ्न सकेको छु ।
यो तिमीले समय र अवसरको अपमान गर्दै प्रकट गरेको अहंकार हो  !

म उमेद्वार नभएको भए कुनै हालतमा यो चुनाव जितिन्नथ्यो ।
यो स्वार्थबाट प्रेरित भई अरुलाई कमजोर देखाउन तिम्रो मनमा उत्पन्न भएको घमण्ड हो  !

उ मान्छे असल हो तर अलि सोझो छ । परिआए केहि गर्न सक्दैन ।
यहाँ तिमी निष्ठामाथि प्रहार गर्दैछौ  ! यो तिम्रो अरुलाई बिस्थापित गर्ने रणनीति हो  !

भविश्यका निम्ति जोगाउँदैछु । मेरो चाहना,आफन्त र सन्ततिहरुले दु:ख नपाउन भन्ने हो ।
तिमीले मृत्यु बिर्सिएका छौ । भविश्य न तिम्रो न उनको कसैको टुङ्गो छैन  ! अर्काले गरिदिएको कर्म अपुरो हुन्छ भन्ने बुझेनौ  !