प्रकाशित मिति: 27 December, 2018 3:41 am

खबरदार प्रधानमन्त्रीलाई अण्डर ईस्टिमेट नगरियोस् । उहाँ आफैं गुमराहमा बस्न सक्नुहुन्छ ।

पर्यटनमन्त्रीलाई सांसदको प्रश्न: फुटबल किनेको कि जहाज ?
किनेको त जहाज नै हो तर आफैं फुटबल भईयो । हान्या हान्यै छन् ।

पर्यटनमन्त्री र सचिवलाई सांसदको प्रश्न: अनियमितता ताहा पाउँदा पाउँदै किन गरियो भुक्तानी ?
थाहै थिएन दिल आगो बिना नै पोल्दो रहेछ ।

नारायणकाजीसँग पूर्व राजाको गुनासो : काठमाण्डौ–पोखरा सडकले सास्ती भयो
ठिक छ,मैंले बुझेँ !

दिगम्बर झाले दिए राजीनामा
राजीनामा हो कि दबाबनामा हो, क्लियर हुन बाँकी छ

उत्तर–दक्षिण कतैपनि सरकारप्रति विश्वास देखिँन– डाक्टराम भट्टराई
आफु सरकारमा नहुन्जेल कहिलेपनि देखिन्न, लगे रहो बाबुभाइ…

संसदमा सरकार र प्रतिपक्षको जुहारी : प्रधानमन्त्रीले नै भ्रम छरेको देउवाको आरोप
होला, होला ! सर्पको खुट्टा सर्पले नै देख्छ भन्छन् ।

राप्रपाको माग : छयालिस सालपछिका सबै मन्त्री र हाकिमको सम्पती छानबिन गरियोस् ।
छयालिसभन्दा अगाडीलाई चाहिं श्री पशुपतिनातले कल्याण गरुन् !

बर्मेली नेपालीमा पनि बढ्दैछ क्रिष्चियन धर्मको प्रभाव
नेपालका नेपालीमा त छोडेको छैन, बर्मा छोड्छ त !

चोरीमा युवतीदेखि सुन ब्यापारीसम्मको कनेक्सन
ब्यापारीलाई पैसा चाहिने, युवतीलाई ऐंस चाहिने : सहकार्य  🙂